Notzuestand in La Paz

mmmmh duet mer leid fuer all die wo am Mittwuch mit mir im MSN xi sin, dassi ploetzlich eifach waeg xi bi...
dr Fluss in dr "Zona Sur" (doert wo-n-ich wohn) isch ueberschwemmt und hed e Stromkabel umgrisse...
mer sin jetzt, nachdaem d Millie und ich 5 Stunde im stroemende Raege Kessel mit Wasser und Schlamm usetreit haen, ohni Wasser und ohni Strom... Raechd miehsam...

S Laebe hed aber immerhin e baar schoeni Sache :)
gester, Donnstig, isch do in La Paz "las Alasitas" xi... dasch dr Aafang vonere Maess, wo si alles in klei verkaufe... wirklich alles... und das wo me sich gester zwuesche 12i und 1 kauft hed, soell sich das Joor erfuelle... ich ha vom Carl e "Gallo" (Gueggel) beko, was eim Gluegg in dr Liebi bringe soell und mer e Fiehrerschin und Gaeld kauft :) moll luege oeb sich oebbis kumpliert ;)

jo... susch isch im Momaent ned viel los... Vor-Carnaval-Zyt macht sich mit viele Wasserballoen merkbar... well die Jungendliche aber ned uf Schwangeri und Aelteri schiesse verkleidet sich immer oebber vo uns als schwanger, damit alli gschuetzt sin... sehr lustig *jajajajaja*

am Sunntig kunnt denn d'Patricia wo in Riberalta im Ustusch isch uf Bsuech... freeeeu mi :)

liebi Griessli und bis scho gaaaaaaaaaaanz glii!