hmmm... irgendwie hani scho lang kei neue Itrag meh gmacht...
hüt gohts no genau 3 Wuche... irgendwie kunnt mer die ganzi Situation mega strange ine...
d Zyt isch im Momänt ned sehr spannend... ha viel gläse und koooomischi Film xeh (ich kumm immer nonid druss...)
naja, ich gniess d Zyt do in Basel uf jede Fall no ganz ganz fescht und mach s Beste druss... ;o)
jetzt machi aber dr Deggel zue und wünsch e frohi Nachtrueh!!! (woohoo, das reimt sich =oP)
Abonnieren
Kommentare zum Post (Atom)
16 Kommentare:
Es platzt vor Nid dr cinop im Gheime,
ass die filou so glatti Värs ka reime.
Aber wenn me gwüssi Sache halt nit verstooht,
Isch's immer gsi e guete Root:
Gisch's ändligg zue, De hesch kei Ahnig,
und frogsch öbber wo druss kunnt in dere Botanik.
uuuh, dr krassi instruggder meint är ka reime,
doch ärnst näh ka das keine...
well ahnig het är vom ganze nid,
das find ich doch e rächde hit!!!
Dr wirklig Hit isch, ass mini Reim,
vergliche zu dene uss em Pfadiheim,
au wirkligg stimme und verhebe!
Es weiss es nämligg vo uns e jede,
wenn ummefrogsch, ob's e Antwort git:
Nur EIN het Ahnig, aber Du bisch es nit;-)!
e klugscheisser het doch immer rächt
oh mi guete, jetzt stohts für di schlächt...
ich weiss dass ich meh ahnig ha,
als sone alte instruggder-ma!
ich glaub unseri ufgob isch jetzt klar,
mir zeiges därer ganze schar,
mir mien dr zeedel schribe s isch famos,
mir kömme use riise gross...
doch dass du kei ahnig hesch das stoht,
es isch ned nur e grücht wo umme goht...
drum nimms zur kenntnis und find di zrächd,
susch gohts em instruggder plötzlich schlächt!
läck, iehr händ beid en nobälpriis vrdient =)
Hm, das junge Schnuuferli will's probiere,
do muess dr alt Instruggder biz studiere,
wie mach ich's nur, ass Du's kasch begriffe,
hesch kei Chance gäg mi, im Värsli schliffe!
Drum root ich Dir, und das jetzt gratis:
Kauf Dr doch lieber e Päggli Smarties (ok, dä isch mies;-)!
Denn eins isch sicher, das weiss e jede,
jä sogar ganz im Norde bi de alte Schwede,
Wenn's ums Ahnig ha goht, egal vo was,
Luegsch gäg mi in e tiefs, leers Glas!
Damit die Reimerei nit völlig duet entarte,
und well's au e Jäger gseht vo sinere Warte,
gisch's zue: Hesch kei Plan, nit moll e Karte!
e Balaferi bisch, das muessi sage,
du dörfsch jetzt aber ned avo klage...
ich weiss es isch e Schock für di,
aber nimms doch eifach mit Fassig hi...
das zuegäh, es wird ned eifach si,
verzells au ned nur em Vater Rhy...
nei mer schreies in d Wält, damits alli wüsse
und ich ka denn sage, ohni schlächts Gwüsse:
ich bi die wo Ahnig het,
do machi mit dir e jedi Wett
du hech kei Plan es isch fasch siess...
jetzt verabschiid ich mi mit liebei Griess!!!
Verdammt...das glaubt jo wirkligg e keine,
einige mer uns uff unentschiide, das wurd i meine?!
nei du söllsch zue gäh: de hesch kei Ahnig...
susch grotisch irgendwenn in blödi Panik!!!
Hösch Schwöschter das kasch grad vergässe,
no eher wurd i mi Zunge frässe!
Bevor die Wort vo mir wurdsch ghööre,
fliesst dr Rhy bärguff, das due Dr schwööre!
jetzt hani dänggt du gisch scho uff,
aber nei, dr mösiö macht e riese buff...
dämfall dien mer witer stritte
bis du duesch stoh an mini sitte....
denn kasch du flüschtere in mi ohr,
dass das wo-n-ich sage due isch wohr...
Hei wenn checksch's denn Du, das git's jo nit,
Dini Värsli sind scho guet, aber nit dr Hit.
Ebbis flüschtere ins Ohr bruch i au nit mache,
well nüm lang goht's mit dene Värslisache,
ass Du ändligg Dini Waffe streggsch und duesch vergässe,
Di mit Ahnig und Värsli gege mi welle mässe!
ned moll uspaggt sin die Waffe
das wird dir no mache z schaffe...
well verliere wird ich ned,
ich weiss, das isch für di kei Hit!
es isch ned eifach, sozsage hart,
ich kum jetzt erscht moll richtig in Fahrt...
du hesch kei Ahnig s duet faschd weh,
wenn ich di so durch d Wält irre seh!
Bestimmt wird ich als letschts no irr,
Dini Värsli sind halt scho biz wirr!
Weiss au nit wie du kunnsch uff so Sache,
ass gäg mi e Siegespunggt könntsch mache!
Damit dä Kommentar sich nit duet spränge,
und sich die Andere wäg uns an d' Biire länge,
Z'akzeptiere: Dere Sach isch kei End beschiede,
Kum, einige mer uns doch uff e unentschiide!?
duesch scho ufgäh?
ach wie schad
s mit mir uffz'näh
isch ned fad!
es isch ned easy
ich weiss es genau
doch du muesch ned drbisi
ufgäh goht au...
dr siger bi ich
kaschs allne verzelle
aber es isch mer glich
s isch ned das woni ha welle...
du muesch mer nur sage
"ich ha kei schimmer"
denn diemer nüm klage
und ich ha gwunne für immer!!!
E kreativi Pause nur und denn goht's aber witter,
Mini Liebi, s'wird für Di denn ebbe scho e bizeli schitter!
Kommentar veröffentlichen