La muela del Diablo

Guguuuuuuuuus!
Uiii, dae Usflug am Samstig isch dr Oberhammer xi!!!
Mir sin oebbe 18 Ustuschschieler xi. Nachdaem mer miteme Minibus in d Pampa usegfahre sin, haemmer miesse oebbe 2 e halb Stund in praller Sunne dr Baerg duruf laufe... bi derer duenne Luft gar ned so eifach ;o)
vo gwuesse Abschnitt hed me e Uebersicht ueber ganz la Paz ka.. Oh mann, die Stadt seht zu geil uss...
S letst Stueck hed me denn no richtig miesse klaetter und dr Bode isch ned ganz rutschfrei xi, aber das verzelli lieber ned zu usfierlich ;o)
obe aako hed me ueber La Paz und ueber d Ande xeh... e Hammer-Usbligg!!!
Jooo und denn simmer das ganze wieder abekrakslet!
Es isch seeehr kuul xi...
jooo und susch hani ned so viel erlaebt... unter dr Wuche isch halt Schuel... dasch ned so spannend.... aber nochhaerd goemmer amme no zaemme oebbis go trinke...
ah, am Samstig wo mer uf d Leherin gwartet haen, haemmer vor dr Iglesia San Fransisco mit so baar Strossekinder gspielt! oh, es hed so viel armi Luet do... isch ned schoen!!!

jo... weiss etzt gad nuem was no verzelle...machets alli gued!!!
Liebi Griessli us dr Kaelti!!!!