La Paz

Hola a todos!

Ich bi sit faschd ere Wuche in La Paz. Mini Familie hed mi am Flughafe abgholt und sit denn haemmers mega gued zaemme. Dr Mueter doerfi Mami sage und dr Vater wohnt ned bi uns. Mi kleine Brueder dr Aldrin isch e riese Schatz! Aer liebt Tier und dorum haemmer jeglichi Huustier! Schildkrotte, Huend (Babies), Papageie, Fisch und und und...
D Mildrid mini Schwoester isch 17. Mit ihre hanis mega gued. Leider sehn mer is ned so oft, well si am Tag imene Phonehouse schaffe muess... ich ha se aber 2 moll begleitet, well mi d Mama ned elei usem Huus losst. Es isch mega kompliziert mit de Oevaus irgendwo anezko und als Gringo wird me immer ueber s Ohr ghaue...
Gester hammer denn sone AFS traeffe ka... Gott, die andere sin alli mega verwoehnt. Ihne wird alles gmacht und si doerfe ned mit dr Huushaelterin rede und und und...
Bi uns isch alles mega familiaer und ich muess saelber bette und waesche (vo hand, wells kei Maschine git), es hed kei Internet dehei und mini Ma ka ned Auto fahre... bi wirklig froh, dassi ned bi sonere mega riiche Familie bi...
Aber was kli dumm isch, es git kei Heizig und kei warms Wasser zum dusche... *brrrrrrrrrr* aber me gwohnt sich an alles =)
Huet bini mitm Mami ufem Maert xi... Boa... mega viel Iidruegg und keini Wort zums beschriibe... Alles mega farbig und me ka wirklig eifach ALLES kaufe.. s git nuet wos ned git!!!
jooo... und huet zobe gangi mit dr Mil und e barne vo AFS go tanze... moll luege wie dr Usgang in Bolivie isch =)

Also, ich muess leider uffhoere... Inetcafi isch tuer und s Mami und dr Aldrin warte!!! Foeteli gits e anders moll!!!

Liebs Griessli vo dr andere Site!!!