la comida y mucho mas...

Soooo scho wieder im Internet :)
huet haett soette d Uni aafoh, aber AFS weiss no immer nuet... mi Mami hed ihne aagluete und si mega zaemme gschisse (sehr lustig xi) und jetzt luege si, dassi am Maentig aafoh ka *woohoo*
hmmm... ich wird immer wieder moll waegem Aesse gfroggt, dorum verzelli moll kli... also es isch scho sehr anderst als in dr Schwiz (Mami, ich freu mi uff di Aesse ;o))...
Zum zmorge gits so Broetli mit siessem Anke und ab und zue Kaes oder kalts Fleisch. Zum trinke Schoggipulver mit Wasser, well Milch z tuer isch und Milchpulver ned sooo fein...
Zum zmittag gits mega viel Suppe... Suppe mit Fleisch, Suppe mit Gmies, Suppe mit Teigware... Hauptsach fluessig... wenns ned Suppe git, denn gits Fleisch mit Riss UND Haerdoepfel UND Gmies... und zum Dessert gits denn meischtenz no sone Fruchtsaft... mega lecker... ihr waerdets ned glaube, aber s beste was ich do gaesse ha, isch Brokkoli in somene Teig... das isch soooo fein...
zum znacht gits denn eigentlich meischtenz nuet meh grosses... mer aesse immer alli getrennt, well mer zu voellig unterschiidliche zitte heim koemme... s beste wos amme git isch Milchriis... *mmmmh*... aber meischtenz gits eifach nomol Brot, oder d Nilda (d'empleada) waermt nomol s zmittag... oder amme gangi au mit Fruende in dr Stadt go Pizza oder so bolivianischi Spezialitaete aesse...
Obwohl ich bis etzt eigentlich alles ha keonne aesse freu ich mi doch wieder uf schwizer Kuchi... ;o)
mini Familie isch ganz veruggt uf schwizer Schoggi und haen mer scho alles waeg gaesse... aber ich ka se gued verstoh *jeje*

jo, waeg de Foeteli duets mer mega leid, aber d Computer waen do irgendwie ned... ich gib mi bests (ha scho 5 Foeteli uffeglade...)

Liebi Griessli und loehnt vo euch hoere ;o)

PS. ich weiss wo dr Evo Morales wohnt *bloeff* ;o)