Sorata

Am Samstig het sich e Gruppe vo Bolivianer, Belgier, Schwedinne, eme Tschech, eim us Groenland, Duetsche und 2 Schwizer uf e Waeg nach Sorata gmacht... 5 Stund Busfahre ueber e Baerg wo ueber 5000 Meter hoch isch... Jae, d Tanja isch miteme Auto durch Wolke gfahre... waer macht mir das noch? ;o)
Doert aako haemmer koenne s Hotel bezieh und s hed zerst moll dr Kampf um d Kuessi aagfange, wells ned wirklig viel ka hed...
Nach em Zmittag haemmer uns denn ufe Waeg zur Grotte San Pedro gmacht. Wieder e Schutzaengel meh! ich gang ned druff ii, wie die Stross xi isch :)
Nach em Bsuech in dr Grotte simmer denn wieder zrugg go znachtaesse und denn haemmer uns im Hotelgarte zu Musik vom Manu Chao an e Fuer gsetzt... Spoeter in dr Nacht simmer denn no go tanze... dr Iitritt hed ganzi 2 Boli's koschtet (isch oebbe 50 Rappe ;o))... Womer doert ine ko sin, simmer aagluegt worde, wie wenn mer irgendwie Marsmensche waere oder so :)
Am naegschte Morge simmer denn go s Staedtli aaluege und nochhaerd no an e Fluss go chille...

Nach 5 Stund Heimfahrt simmer denn in La Paz aako, wos s ganze Wucheaend graegnet hed... (mir natuerlich alli in kurze Hose, wells in Sorata arschheiss xi isch...)

trotz viel Nochmiedigkeit ischs e cools Weekend xi...