Jorge, ya llegamo'? y ahora?

AFS im Tschungel... dasch doch moll oebbis anders :)
nochdaem mer wieder moll enere demo in la paz haen miesse uswieche (und e stund unospielend im taxi verbrocht haen) simmer denn imene riese stress bim bus aako... 17 druemmligi gstalte sin 18 stund imene schloofbus nach santa cruz gfahre... maessig konfortabel xi... in santa cruz aako (am 6i am morge) simmer zerst moll ins buero vo afs santa cruz wo glichzyttig dr fischlade vom jorge isch...
mer haen dernn dr ganz morge drmit verbrocht e "bitz and cream" z finde, damit mer glace aesse koenne...
am nomittag haemmer denn gnaedigerwiis zur chefin vo dr carolina koenne in pool go bade, wells unaendlich heiss xi isch. wieder im stress simmer denn am 6i zobe zur terminal gfahre und haen uns doert mit allne afser vo tarija, oruro, cochabamba und santa cruz troffe und sin denn imene stingg normale bus nach trinidad gfahre... nomol 12 stund, aber no unbequaemer...
gluegglich, aber au mied aako, haemmer daenggt mer koenne gad witerfahre. aber nix da... au in trinidad koenne si s streike ned loh und mer sin au doert feschdxaesse. mer haen denn dr ganzi donnstig im hus vo unserer reisefiererin verbrocht. das heisst: 55 persone in 3 zimmer bi oebbe 40 grad... isch e schbass xi ;)
am fritig morge hammer denn am 6i loskoenne... alli ned gad sehr fit, wie me sich vorstelle ka *grins*
mer sin denn nomol mit eme bus (*grmpf*) an fluss gfahre und sin denn doert uf boot umgstiege... 6h bootfahre... mer haen uf em waeg einigi tier xeh wie zum bispiil piranhas, krokodil, flussdelfin, papageie und und und... mega toll xi :)
am ziel aako haemmer denn zerst moll gaesse und denn unser lager ufbaut. zaelt wo nur us moskitonetz bestoehn und e schoens fuerli... (*jiji* ha mi richtig deheim gfuehlt ;))
dr obe haemmer denn mit bade im fluss (bi de piranhas :)) und erkundige vom wald verbrocht. am halb 7i isch denn eigch au scho dunggel xi und mer haens is no gmietlich im fuer oder in de haengematte gmacht...
am naegste tag isch denn wandere aaxeit xi.
mer sin zerst durch hochs gras, denn durch dr urwald an e doerfli gloffe. doert hammer mega leckeri grapefruits gfunde und alli usgsuggt... sehr erfrueschend in derer hitz xi :)
nochhaerd simmer no zumene see gloffe, wo mer aber ned haen koenne bade, wells zu viel bissendi tier drinn ka hed ;)
nochhaerd natuerlig alles wieder zrugg und wieder s gliiche spiel wie am tag vorhaerd.
am sunntig simmer denn eigch nur no ufgstande, haen is badet und sin denn wieder 6h mitm boot zrugggfahre. zobe denn nach schlaegereie um d duschi wieder mitm bus nach santa cruz...
in santa cruz haemmer denn eigch au nuet meh grosses gmacht... sin go zmoergele (*jiji* si haen dr monir ned welle ineloh, well er so versifft usxeh hed), denn haemmer is aendlich wieder moll koenne dusche und zu gueter letscht simmer denn am 6i zobe wieder mitem schloofbus heim nach la paz gfahre...
do ako (natuerlig in shorts und traeger t-shirt) haemmer denn doch ploetlich kli kalt ka und sin schnaell heim (go kleider und uns saelber waesche... isch dringend noetig xi ;))
am nomittag haemer etzt no tanzstunde ka (jepp, mer lerne 3 bolivianischi taenz: corporales, tincu und tobas... sin aber alli kli z mied xi :)
jetzt gohts denn ab an d eroefnig vom 2te cafe beirut (wo mer stammgaest sin) und denn aendlich wieder moll in e bett go schlofe (was aber no kli duurt ;))