Hola!
Hui, das Wucheaend hani oebbis erlaebt...
Am Fritig simmer mit AFS im Valle de la Luna xi. Dasch sone Glaend wo d Stei ganz speziell sin...
Mer haen doert e Aymara aatroffe und mega lang mit ihm gredet... Aer hed uns e paar Woerter bibrocht aber ich weiss nur no waliki (=guet) und hilata (=Brueder)...
Aer hed uns denn welle e Gschaengg mache und well er ned meh als si Talaent ka hed, heter uns das gschaenggt... Aer hed und mit ganz viele unterschiedliche Instrumaent vorgspielt... mega schoen xi!
Am Samstig isch denn in dr Stadt Entrada xi. Dasch e Umzug vo de Studaente wo dr Itritt ins neue Joor fiere... Si haen alli ganz farbigi Kleider aa ka und haen so klassischi bolivianischi Taenz tanzt...
es isch e biz wie Fasnacht xi =)
Am Sunntig isch denn ganz e fuule Tag xi... d Mili und ich sin dr ganz Tag im Bett ummepfloemmt und haen TV gluegt *hihi*
Und gester simmer an Lago Titicaca... Mer haen eigentlich welle nach Copacabana, sin aber in ere Strossesperri stegge blibe... e Dorf hed demonstriert, well dr Staat ihne eifach s Gas abgstellt hed und sie ned wuesse wurum... Mer sin also oebbe 7 Stund doert gstande und haen nuem fuere und nuem zrugg koenne...
Mer haen uns also ufm Busdach gsonnt, haen gschlofe, haen mitm Julio (dr 5 jaehrig Sohn vom Busfahrer) gspielt und mit de Dorfbewohner gredet... Die Luet sin alli ganz arm... Mer haen denn de Kinder fasch alles vo unserem Aesse gschaenggt und d Fraue haen mer denn glernt, wie si Wullespinne... isch mega intressant xi...
Am Schluss haen si denn gseit ich sig ihri Schwester und immer in ihrem Dorf willkomme... sehr e spannends Erlaebnis xi...
Jo, aber nach 7 Stund warte hets uns denn glaenggt und mer haen gottseidank wieder koenne umdruelle...
E erlaebnisriichs Wucheaend...
ich hoff euch gohts allne gued!!!
Liebi Griessli
Abonnieren
Kommentare zum Post (Atom)
2 Kommentare:
Hi Tanja!
Es freut mich dass es dir gut geht! Schön, dass du so viel Kontakt zu den Einheimischen hast. Das ist es was eine Reise ins Ausland erst wirklich interessant macht! Viel Spass weiterhin!!
Sjors
heeya...jo miar gohts guat do im amazonas..diar so wias usgseht au ir kaelti..han mi gfroit oepis vu diar ds ghoera...jo iar hend jo so wias usgseht immer irgendwelchi afs usflueg..hehe..jo aber i erleba au so gnuag udn mini familia het miar schu vieles zaigt...jo so armi luet ds gseh und wia dia so lebend sich hart aber au schoen wil dia koend so herzlich si..joo i gohn ezt denn am suntig uf santa cruz mit miner familia oepa 10 taeg..denn gsehni wieder mol a paar schwizer gsichter...bin do wuerkli an exot...machs guat und pasisch uf di uf...gnuesses und lohsch wieder mola swas vu diar ghoera...un beso tu patricia
Kommentar veröffentlichen