Filou kuesst dr Presidaent

Aaaaaalso... isch doch scho wieder einiges passiert...
zerst moll isch d Patricia mi ko bsueche... isch e mega tolli Zyt mit ihre do in La Paz und in Oruro xi...
Dr Carnaval in Oruro isch mega schoen... s hed vieli verschiedeni Taenz und alli Luet sin ganz farbig aaglegt...
es hed nur baar Sache wo kli stoere:
Wasserballoen, Schuum und gaaaaaaaaaaaaaaaaanz viel bsoffeni Luet... alli Zueschauer zwuesche 10 und 70 sin wirklich eifach hagel-dicht xi und ueberall uf dr Stross haen irgendwelchi in Kotzlache gschlofe...
dorum haen mer is denn scho am Samstig entschiede wieder heim z'goh... mer haen denn no kli dr Carnaval in La Paz gnosse und sin am Maentig no go luege, wie dr Gota, d Anny und dr Matrix (e baar Fruende) Carporales tanzt haen...

jetzt no zu mim Titel...
in Oruro... waer hoggt uns gegenueber? dr Evo Morales.
Mer haen is denn vomene Typ wo naebe uns xaesse isch ueberzuege loh, dass mer ihn goenn go griesse.
Ich setzt mi naebe dr Evo:
Evo: Hola, de donde estas? (Hallo, vo wo bisch?)
Ich: Soy de suiza.
E: Ah yo he ido muchas veces a Suiza (und zellt d Staedt uff, woner scho xi isch).
y que haces en Bolivia? (und was machsch in Bolivie?)
I: Estaba en la U y trabajo como voluntaria en un hogar de niños que vivian en la calle. (ich bi uf d Uni gange und schaff imene Heim fuer Strossekinder)
E: *git mer e Kuss uf d Backe* gracias por aydarme a mejorar mi pais. (dangge dass de mir hilfsch mi Land z verbessere)
I: Q viva Bolivia!
E: *git mer e Kuss uf die ander Backe* Suerte mamita. Chau
I: Chau *und lauf waeg*

seeeehr speziell xi.... waers ned glaubt, im La Paz-Ordner vo de Foeteli gits e Bewies ;)

liebs Griessli und bis gaaaaaaaaaaaaanz bald!