Hallo Zaemme!
Ich bi in d Stadt vo dr Demonstration ko... sit ere Wuche sin alli am Demonstriere, dass dr Regierigssitz (la sede) ned nach Sucre zrugg soell... Es isch raechd geil... am Sunntig zobe isch e riese umzug xi, well am Maentig la Paz unabhaengigkeitstag xi isch...
Gester isch e Demo vo de Minearbeiter xi und huet fahrt kei Bus kei Taxi nuet, well wieder e mega Demo isch (la sede no se mueve)
Jo und waege dene Demos isch gester sone Konzaert xi, wo alles Bands vo La Paz gspielt haen... dasch voll geil xi!
Sit am Zischtig hani jetzt am Nomittag so Spanisstunde vo AFS. Das isch raechd langwilig, well das fuer Luet isch, wo no kei Wort Spanisch koenne *schnarch*
Aber gester simmer go spaziere und denn haemmer s erste moll doerfe Coca kaue... hihi isch no lustig... s schlooft eim fuer kuzi Zyt s ganze Muul i und me wird mega ueberdruellt!
ich ka mi eigentlich scho raechd guet verstaendige und schaffs jetzt au scho elei mitm Minibus, em Trufi oder em Radiotaxi ummez'fahre oder elei go ikaufe *stolzbi*
Mit dr Mili (mini Schwoe) hanis meeega gued... sin etzt scho 2 moll zaemme in Usgang und am Maentig simmer mit dr Maye (d Cousine) dr ganz Tag im Bett ummepfloemmt =)
Mitm Aldi spieli mega oft, oder hilfem d Tier fietere... s ischem amme raechd langwiilig, well er no Ferie hed...
Und s Mami, die schafft mega viel, aber si behandlet mi genau gliich, wie ihri richtige Kinder...
Kurz um, ich fuehl mi mega wohl in miner Familie!!!
Morn goehn mer mit AFS zu dr Muela del Diabolo... moll luege wie das wird...
Ich glaub das waers denn au scho wieder xi...
Liebi Griessli vo dr andere Sitte!
Tanja (oooh, es sage mer alli Tanscha *grmpf*)
Abonnieren
Kommentare zum Post (Atom)
3 Kommentare:
Skandalöös, grad moll e paar Wuche dört und scho de Drooge verfalle;-) Und Demonstriere isch jo für sone BPP (zur Erinnerig: Böse-Pfadi-Punk) eh e glatts Hobby. Schiint jo no rächt glatt z'si bi dene Inkas...gniess es!
E Schmützli vo dr Zwärgefront and take care!
Woawoauibaa! Great success! Can you also shoot dog?
Hey das tönt jo alles eifach mega interessant...ich würd das au alles gärn erläbe, usser d Kälti, das wär irgendwie nüd für mich hihi :-)
vergässe hän mir di ganz bestimmt nid, rede jede Tag mol über die klei Schwöster, und jedes mol wenni an Agriolivadi verbi fahr dänk ich an Video mitm Mutti: "Paaaablo" (ganz hoche Stimm) :-)
gniess jede Moment und verbring möglichst wenig Zit im Internet-Cafi :-) das gits jo in dr Schwiz au, trotzdem freui mi uf news, bis baaald
heeey chica ir kaelti...jo dis leba toent biz anderscht als mis..i bin do in soner familia...aber aso so schlimmisch ezt nid..i doef schu no mit da husagschtellta reda=9 aber jo as sich nid immer aifach...do ds riberalta hets extrem viel armi luet...aber jo...i werda mi dra gwoehna mueassa...wow so viel AFS zueg? i bin do biz ainsam und verlassa...han mol 10 min ufem flughafa ds trinidad mit dr chefin vu AFS trinidad wo au mini gotta isch gredet denn bini witergfloga do zmizt in regawald und ezt hends mi glaub vergessa...han nuet meh ghoert..aber jo isch schu recht..i leba au guat ohni AFS...soo grossi..i wuensch dr ganz viel spass,interessanti,idruecklichi und schoeni moment..as sind sacha wo ues extrem praega werdend..gnuesses dia zit kunnt nuem zrugg...passisch uf di uf colla...=) und jo miar ghoerend vunanad...beso desde riberalta y un poquito de calor! tu patricia (CAMBA)=) (bin schu ufgnoh worda=))
Kommentar veröffentlichen